Co-vreneen

S'goan ny bunstooghyn ta jeant ass breneenyn ta ny lomarcan. Dy cliaghtagh, ta breneenyn çheet ry-cheilley ayns piyryn ny ayns possanyn. Eisht, ta shin gra co-vreneenyn rish ny floagyn shoh. Myr sampleyr, ayns boteil d'ocsygien, cha nel breneen erbee ny lomarcan aynjee - ta ooilley ny breneenyn kianglt ry-cheilley ayns piyryn. Ta'n red cheddin ry-gheddyn bentyn rish hiddragien as eeadeen.

Co-vreneen - ta shen yn ayrn sloo jeh bunstoo ny jeh co-vunstoo oddys ve ayn dy neuchrogheydagh. My ta ooilley ny breneenyn ayns co-vreneen ny vreneen cheddin, ta shin gra co-vreneen bunstoo rish.

Goll rish breneenyn, ta co-vreneenyn feer vinniagagh. Ta millioonyn dy cho-vreneenyn ushtey ayns y vine sloo d'ushtey. Er y fa dy vel millioonyn dy vunstooghyn ayn, ta millioonyn dy horçhyn dy cho-vreneenyn ayn. Ta kemmigee soilshaghey co-vunstooghyn lesh formlaghyn kemmigagh.

She H₂O yn formley ta shassoo son ushtey er yn oyr dy vel daa vreneen hiddragien sniemmit lesh un vreneen ocsygien. Y formley ta shassoo son daa-ocseed charboan, ta shen CO₂ er y fa dy vel breneen carboan sniemmit lesh daa vreneen ocsygien.