Ալեքսանդր Բեգրով
Ալեքսանդր Բեգրով Александр Беггров | |
|---|---|
 | |
| Ծնվել է | դեկտեմբերի 17 (29), 1841[1] |
| Ծննդավայր | Սանկտ Պետերբուրգ, Ռուսական կայսրություն |
| Վախճանվել է | ապրիլի 14 (27), 1914 (72 տարեկան) |
| Մահվան վայր | Գատչինա, Ցարսկոսելսկիյ ուեզդ, Սանկտ Պետերբուրգի նահանգ, Ռուսական կայսրություն |
| Քաղաքացիություն |  Ռուսական կայսրություն |
| Կրթություն | Ֆ․ Ձերժինսկու անվան բարձրագույն ռազմածովային ինժեներական ուսումնարան, Սանկտ Պետերբուրգի գեղարվեստի ակադեմիա (1873) և Սուրբ Աննայի ուսումնարան |
| Մասնագիտություն | նկարիչ |
| Ժանր | բնանկար, ծովանկար |
| Թեմաներ | գեղանկարչություն |
| Ներշնչվել է | Ալեքսանդր Բոգոլյուբով Լեոն Բոննա |
| Անդամակցություն | Գեղարվեստական շրջիկ ցուցահանդեսների ընկերություն |
 Alexander Karlovich Beggrov Վիքիպահեստում | |
Ալեքսանդր Կարլովիչ Բեգրով (ռուս.՝ Александр Карлович Беггров, գերմ.՝ Alexander Beggrow, դեկտեմբերի 17 (29), 1841[1], Սանկտ Պետերբուրգ, Ռուսական կայսրություն - ապրիլի 14 (27), 1914, Գատչինա, Ցարսկոսելսկիյ ուեզդ, Սանկտ Պետերբուրգի նահանգ, Ռուսական կայսրություն), ռուս գեղանկարիչ, ծովանկարիչ, ջրանկարիչ, Սանկտ Պետերբուրգի Գեղարվեստի կայսերական ակադեմիայի ակադեմիկոս և պատվավոր անդամ, Գեղարվեստական շրջիկ ցուցահանդեսների ընկերության անդամ[2]։
Կենսագրություն
[խմբագրել | խմբագրել կոդը]
Ալեքսանդր Բեգրովը ծնվել է 1841 թվականի դեկտեմբերի 17-ին (դեկտեմբերի 29-ին) Սանկտ Պետերբուրգում՝ նկարիչ, Գեղարվեստի կայսերական ակադեմիայի ակադեմիկոս Կարլ Բեգրովի ընտանիքում։
1853-1863 թվականներին սովորել է Սանկտ Պետերբուրգի Նիկոլաևյան ինժեներական և Ծովային ինժեներական-հրետանային ուսումնարաններում[2]։
Ուսումնարանն ավարտելուց հետո՝ 1863 թվականին, որպես ինժեներ-մեխանիկների կորպուսի պրապորշչիկ ծառայության է անցել Կայսերական Բալթիական նավատորմում [3]: Մասնակցել է «Ослябя» և «Ալեքսանդր Նևսկի» ֆրեգատների նավարկություններին։ Մինչ 1870 թվականը ծովակալությունում ունեցել է գծագրատուն-արվեստանոց։
Ալեքսանդր Բեգրովը, որն ականատես էր եղել «Ալեքսանդր Նևսկի» ֆրեգատի խորտակմանը, ծանոթանում է իր ապագա ուսուցիչ, ծովային ուժերի գլխավոր շտաբի նկարիչ Ալեքսեյ Բոգոլյուբովի հետ, ում հանձնարարված էր ստեղծել ֆրեգատի կործանումը պատկերող երկու կտավ։
Լինելով «Սվետլանա» պտուտակավոր ֆրեգատի սպա՝ Ալեքսանդր Բեգրովն ուղեկցել է Մեծ իշխան Ալեքսեյ Ալեքսանդրովիչին 1871-1872 թվականների շուրջերկրյա նավարկության ժամանակ[4]։
1870-1873 թվականներին որպես ազատ ունկնդիր սովորել է Սանկտ Պետերբուրգի Գեղարվեստի կայսերական ակադեմիայի բնանկարչության դասարանում՝ աշակերտելով պրոֆեսոր Միխայիլ Կլոդտին[5]։
1873 թվականին «Կանդեայի Կանեա քաղաքը» (ռուս.՝ «Вид города Канеа в Кандии»), «Կայսերական «Դերժավա» զբոսանավը» (ռուս.՝ «Императорская яхта „Держава“») և «Մեծ իշխան Կոնստանտին» շոգենավը (ռուս.՝ «Пароход „Великий князь Константин“») նկարների համար Ալեքսանդր Բեգրովը պարգևատրվել է Գեղարվեստի կայսերական ակադեմիայի փոքր արծաթե մեդալով[6]։
1874 թվականին Բեգրովը թողնում է ծառայությունը[7] և մեկնում Փարիզ, որտեղ շարունակում է կրթությունը ֆրանսիացի նկարիչ Լեոն Բոննայի ու Ալեքսեյ Բոգոլյուբովի մոտ, ով Ֆրանսիա էր տեղափոխվել 1873 թվականին։ Ֆրանսիայում Բեգրովը ծանոթանում է ռուս պերեդվիժնիկների խմբի հետ (այդ թվում՝ Իլյա Ռեպին, Կոնստանտին Սավիցկի և այլք)։
1875 թվականին մահանում է Ալեքսանդր Բեգրովի հայրը, և նա վերադառնում է Ռուսաստան։ 1879 թվականին «Սվետլանա» ֆրեգատով ճանապարհորդել է Եվրոպայի շուրջը՝ Կրոնշտադտից մինչև Հունաստան։ Ճանապարհորդությունից հետո շուրջ երկու տարի ապրել և աշխատել է Ֆրանսիայում։
1874 թվականից Ալեքսանդր Բեգրովը մասնակցել է Գեղարվեստական շրջիկ ցուցահանդեսների ընկերության ցուցահանդեսներին, իսկ 1876 թվականին դարձել է ընկերության լիիրավ անդամ[3]։
Ալեքսանդր Բեգրովը 1878 թվականին նշանակվել է Ծովային նախարարության նկարիչ և այդ պաշտոնում աշխատել մինչև կյանքի վերջ։
Մասնակցել է Վիեննայում (1873) ու Փարիզում (1878, 1900) կայացած համաշխարհային ցուցահանդեսներին, «Вид Невы и Стрелки Васильевского острова с Фондовой биржей» նկարի համար մրցանակի է արժանացել 1878 թվականի Փարիզի համաշխարհային ցուցահանդեսում[8]։
1885 թվականին Ալեքսանդր Բեգրովը դառնում է Ռուս ջրանկարիչների միության հիմնադիրներից մեկը։ 1899 թվականին նրան շնորհվում է Գեղարվեստի կայսերական ակադեմիայի պատվավոր անդամի կոչում[9]։
1892 թվականին բնակություն է հաստատել Գատչինայում, որտեղ տուն է կառուցել ու այգի տնկել։ 1903 թվականին կնոջ մահից հետո բնակարան է վարձել Գատչինա քաղաքի Սբորնայա փողոցում, 1906 թվականից հետո քաղաքից դուրս չի եկել։ Կյանքի վերջին մեկուկես տարում հիվանդության պատճառով ստիպված է եղել հրաժարվել գեղանկարչությամբ զբաղվելուց։ 1912 թվականին Գեղարվեստի կայսերական ակադեմիային է նվիրաբերել 63900 ռուբլի՝ «աղքատ նկարիչներին, նրանց այրիներին ու որբերին» օգնելու համար[10]։
Տառապելով անբուժելի հիվանդությամբ՝ Ալեքսանդր Բեգրովը 1914 թվականի ապրիլի 14-ի լույս 15-ի գիշերն ինքնասպանություն է գործել՝ կրակելով սրտին[11]։ Թաղվել է 1914 թվականի ապրիլի 17-ին Գատչինայի քաղաքային գերեզմանատանը՝ կնոջ՝ Լյուսիա Բեգրովայի կողքին[12]։
2001 թվականին Կենտրոնական ռազմածովային թանգարանում անցկացվել է նկարչի ծննդյան 160-ամյակին նվիրված ցուցահանդես[13]։
Պատկերասրահ
[խմբագրել | խմբագրել կոդը]-
Ֆրեգատ «Մերկուրի» (1879) - Կենտրոնական ռազմածովային թանգարան -
Զբոսանավ «Բարեկամություն», 1826-1848 թվականներ (1892) - Կենտրոնական ռազմածովային թանգարան -
Զբոսանավ «Լիվադիա» (1878) - Կարելիայի հանրապետության կերպարվեստի թանգարան -
Ծովամարտ, (1880-ական թվականներ) - մասնավոր հավաքածու -
Պտուտակավոր ֆրեգատ «Սվետլանա» (1878) - Կենտրոնական ռազմածովային թանգարան -
«Թիանավ «Տվեր» (1879) - Կենտրոնական ռազմածովային թանգարան -
Քաղաքային բնանկար (1891) - Ռուսական պետական թանգարան -
Նավակներ ծովափին (1887) - մասնավոր հավաքածու -
Բնանկար (1896) - մասնավոր հավաքածու -
«Բևեռային աստղ» կայսերական զբոսանավը. 1890 թվական (1892) - Կենտրոնական ռազմածովային թանգարան -
Առավոտյան Նևսկի պողոտայում (1886) - մասնավոր հավաքածու -
Պետերբուրգը Նևայի կողմից (1899) - Աստրախանի Պ. Դոգադինի անվան պետական պատկերասրահ -
Սանկտ Պետերբուրգը մթնշաղին (1911) - մասնավոր հավաքածու -
Նևայի ափին (1876) - Ռուսական պետական թանգարան
Ծանոթագրություններ
[խմբագրել | խմբագրել կոդը]- ↑ 1,0 1,1 RKDartists (նիդերլ.)
- ↑ 2,0 2,1 Лейкинд О.Л., Северюхин Д.Я. «Беггров А.К. (1841-1914), художник». Историко-культурный интернет-портал «Энциклопедия Санкт-Петербурга» (ռուսերեն). Международный благотворительный фонд им. Д.С. Лихачева. Վերցված է 2010 թ․ հունիսի 20-ին.
- ↑ 3,0 3,1 «Новости Радищевского музея. 29 декабря - день рождения А.К. Беггрова» (ռուսերեն). Саратовский государственный художественный музей имени А.Н. Радищева. 2008 թ․ դեկտեմբերի 29. Արխիվացված օրիգինալից 2012 թ․ մարտի 28-ին. Վերցված է 2010 թ․ հունիսի 22-ին.
- ↑ Беггровъ // Энциклопедический словарь Брокгауза и Ефрона: В 86 томах = Энциклопедическій словарь / под редакцией профессора И. Е. Андреевскаго. — СПб.: Ф.А. Брокгауз (Лейпциг), И.А. Ефрон (Санкт-Петербург), 1891. — Т. III (31) «Банки – Бергеръ». — С. 256. — 480 с.
- ↑ Марголис А.Д. «БЕГГРОВ Александр Карлович (1841 – 1914), художник». Электронная энциклопедия «Культура Ленинградской области» (ռուսերեն). Արխիվացված է օրիգինալից 2013 թ․ մայիսի 11-ին. Վերցված է 2010 թ․ հունիսի 22-ին.
- ↑ Якуты. Вид на Лене(ռուս.) // Историко-географический, культурологический журнал «ИЛИН». —Якутск, 2007. — № 5 (48).
- ↑ Беггров, Александр Карлович // Военная энциклопедия : [в 18 т.] / под ред. В. Ф. Новицкого [и др.]. — СПб. ; [М.] : Тип. т-ва И. В. Сытина, 1911—1915.
- ↑ История создания музея // Морская слава России. Центральный военно-морской музей / Под редакцией Корчагина Е. Н. — М.: Белый город, 2003. — С. 5. — 384 с. — 3000 экз. — ISBN 5-7793-0681-8
- ↑ ««Русская маринистика XIX века. Шедевры Морского музея России»» (ռուսերեն). museum.ru. Վերցված է 14 փետրվարի, 2016-ին.
- ↑ «Беггров Александр Карлович» (ռուսերեն). Информационный портал "Artru.info". Արխիվացված է օրիգինալից 2012 թ․ մարտի 28-ին. Վերցված է 2010 թ․ հունիսի 22-ին.
- ↑ Бурлаков А.В. «Художник Александр Беггров» (ռուսերեն). Историко-краеведческий портал «Гатчина сквозь столетия». Արխիվացված օրիգինալից 2012 թ․ մարտի 28-ին. Վերցված է 2010 թ․ հունիսի 22-ին.
- ↑ «Список захоронений Нового кладбища». Гатчинский некрополь (ռուսերեն). Историко-краеведческий портал «Гатчина сквозь столетия». Արխիվացված օրիգինալից 2012 թ․ մարտի 28-ին. Վերցված է 2010 թ․ հունիսի 22-ին.
- ↑ «Выставка, посвящённая 160-летию А.К.Беггрова» (ռուսերեն). Центр петербургских искусств «Авит». Արխիվացված օրիգինալից 2012 թ․ մարտի 28-ին. Վերցված է 2010 թ․ հունիսի 22-ին.
Գրականություն
[խմբագրել | խմբագրել կոդը]- О.Л., Северюхин Д.Я. Беггров А.К. (1841-1914), художник (рус.). Историко-культурный интернет-портал «Энциклопедия Санкт-Петербурга». Международный благотворительный фонд им. Д.С. Лихачева.. * Перейти к: 1 2 Новости Радищевского музея. 29 декабря - день рождения А.К. Беггрова (рус.). Саратовский государственный художественный музей имени А.Н. Радищева. (29 декабря 2008).(չաշխատող հղում)
- Минченков Я. Д. Беггров Александр Карлович // Воспоминания о передвижниках.. — Издание пятое. — Л.: Издательство «Художник РСФСР», 1965. — 360 с.
Արտաքին հղումներ
[խմբագրել | խմբագրել կոդը]
- Биография.ру — Беггров Александр Карлович
- Русские художники. Беггров Александр Карлович
- Исторический журнал «Гатчина сквозь столетия». Художник Александр Беггров
 | Վիքիպահեստն ունի նյութեր, որոնք վերաբերում են «Ալեքսանդր Բեգրով» հոդվածին։ |
| ||||||||||||||||
- Դեկտեմբերի 29 ծնունդներ
- 1841 ծնունդներ
- Սանկտ Պետերբուրգ քաղաքում ծնվածներ
- Ապրիլի 27 մահեր
- 1914 մահեր
- Սանկտ Պետերբուրգի գեղարվեստի ակադեմիայի շրջանավարտներ
- Անձինք այբբենական կարգով
- Նկարիչներ այբբենական կարգով
- Ռուս նկարիչներ
- Ռուս ծովանկարիչներ
- Պերեդվիժնիկներ
- Գեղարվեստի կայսերական ակադեմիայի ակադեմիկոսներ
- 20-րդ դարի ռուս նկարիչներ
- 19-րդ դարի ռուս նկարիչներ