Charlie Hebdo

Charlie Hebdo es un satire-jurnal de Francia. Li jurnal es publicat in Paris desde li annu 1992 e es publicat unvez chascun semane. Charlie Hebdo have un circulation de 45.000 exemplare in li annu 2012. Detra jurnal Le Canard enchaîné Charlie Hebdo es li duesim max important satire-jurnal in Francia.

Li titul del jurnal Charlie es relatet al figura Charlie Brown ex li dessine-film serie The Peanuts.

Charlie Hebdo comensat quam un radical levul jurnal, ma developat se plu in li political centre. Ma li jurnal sempre esset tre critical contra religiones, e contra li cristanisme e contra li islam.

Li 7-im de januar 2015 evenit in Paris un islamistic terrore-atacca contra li jurnal. Durant li tard ante-midí islamistic terroristes ataccat li francesi satire-jurnal Charlie Hebdo. Ili fusilat deci membres del redaction del jurnal e du policistes. Anc li editor del jurnal Stéphane Charbonnier esset sub li victimes.

Charlie Hebdo hat publicat caricaturas pri li islamic profete Muhamed e li islam. Pro to li magazin devenit un scope del islamistes. Ja in li annu 2011 ante quelc annus esset un atacca con incendie-bombes contra Cherlie Hebdo. Li islamistic mortatores del hodial atentate til nu ne es arestat e posset fugir.