William Scawen

William Scawen
Genys	1600
Mernans	1689
Kenedhlogeth	Ruvaneth Pow Sows
Galwesigeth	skrifer, politeger
Soodh	esel senedh

William Scawen (1600–1689) o onan a ragresoryon dasserghyans an yeth Kernewek. Politeger ova hag esel an Chi Kemmynyon yn 1640, ha batalya a-barth an Rielydhyon yn Kas an Pymp Kenedhel

Bewnans

Scawen o mab Robert Scawen a Lannales hag Isabella Nicholls, myrgh Humphrey Nicholls a Eglostudi. Den jentyl kernewek hag Isgwythyas an Stenegyon ova. Yn mis Ebrel 1640, etholys veu avel esel senedh rag Lannales, hag ena rag Logh est y'n Senedh Kott. Skoodhyer o a-barth an acheson Riel y'n Bresel Vredereth (Kas an Pymp Kenedhel), ow batalya ryb tenewen soudoryon Kernewek aga yeth. Wosa an Astiveryans, ev o onan a'n huni profyes rag enor Marghek an Dherowen Riel.

Pan ve Scawen 78 bloodh, ev a gonvedhas bos an yeth Kernewek ow merwel a dalleth skrifa dornskrifow manylys. Ynter 1679 ha 1680, ev a wrug treylyans Sowsnek a'n gwari Pascon agan Arluth. Ev a besyas gans notennow war "Passio Christi", rann a'n Ordinalia, gwithys yn Lyverva Bodleian yn Rysoghen. An notennow a gomprehend derivas ow tochya yeth, maneryow ha gonisogeth an dus Gernewek. An unnik versyon a veu dyllys yw kynsskrif kott, mes an dornskrif y honan yw pur hir, kansow a folennow, gans notennow byghan keworrys awosa yn y dhornskrifans dilennus.

Skilaow rag difygyans an yeth

Ev a aswonnis hwetek skila rag difygyans an yeth.

• 1. difyk lytherennans arbennik dhe Gernewek
• 2. lettyans an dhrewydhyon gans Kristonedh
• 3. lettyans an kevrennow yntra Kernow ha Breten Vyghan
• 4. diwedh diskwedhyansow an gwariow marth
• 5. ny wrug Kernowyon goth skrifa marnas nebes a'ga hwedhlow istorek
• 6. kellys veu lies dornskrif Kernewek y yeth pan veu leskys Kastel Rostorrmel yn Kas an Pymp Kenedhel
• 7. tus a lettyas usya an yeth moy ha moy
• 8. Kernowyon a's tevo yeynder brys ow tochya an yeth
• 9. fowt a adhyskans ha kresennow adhyskansek
• 10. chanjys veu henwyn pobel ha tylleryow dhe Sowsnek, yn arbennik gans an eglos
• 11. nester Dewnens ha'n yeth Sowsnek
• 12. bodh an dus jentyl Kernewek dhe dhemedhi Sowson
• 13. keniver tus estron ow tos dhe Gernow
• 14. delanwes an eglos ha'n fowt a dreylyans an Bibel dhe Gernewek
• 15. skorn an dus rych ha'n renkas kres
• 16. an fowt a lien skrifys

Teylu

Hwor Scawen, Elizabeth, a dhemedhis Martin Keigwin, hag ytho o mamm John Keigwin. An teylu Keigwin o gweythresek orth skoodhya dasserghyans an yeth Kernewek.