Symmetrie

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

---

Deze feguur is drejsymmetrisch esouch liensymmetrisch.

Symmetrie is e wiskundig begreep det aanguuef det me bie e bestump veurwirp 'nen as kan plaats, zoadet aan beidskantje van daen as twiè dezelvendje, gespegeldje aafbiljinge zichbaar zint. Zoa is de litter "A" symmetrisch t'n opzich van de verticalen as, dewiel de litter B det is t'n opzich van d'n horizontalen as.

Symmetrie hoof zich aevel neet te bepirke toet einen as. Zoa bezitj e veerkantj veer symmeterie-asse: horizontaal, verticaal en twieë diagonale. 'ne Cirkel bezitj dus zelfs ónènjig väöl symmetrieje.

't Guuef versjilige saorten aan symmetrie. Bie puntjsymmetrie wuèrtj 'ne feguur 180° gedrejdj. Bie drejsymmetrie wuèrtj de feguur gedrejdj, meh maak 't neet oet wieväöl graoje próntj. Daodoor is 'ne puntjsymmetrisch feguure dus ouch ummer drejsymmetrisch. Bie liensymmetrie (of spegelsymmetrie) guèf 't 'ne spegelas worin de feguur wuèrtj gespegeldj.

Symmetrie en asymmetrie ('t taengeneuvergestèldje) zint hièl wichtig in de biljendje kóns. Symmetrie wuèrtj väöl toegepas in voukskóns, kirke, rozètte en islamitische kóns.