Velocitaa

Quell articol qì l'è scrivud in Lombard, cond l'ortografia Scriver Lombard.

In fisega, la velocitaa (simbol: v) l'è la misura del cambiar de modul e direzion de la posizion d'un ojet in mœviment. L'è una grandeza fisega vetoriala: g'è de dovrar tant ol modul come la direzion per definir-la. Ol valor assolut scalar (modul) de la velocitaa l'è la celeritaa (o rapiditaa), quantitaa qe l'è misurada in meter al segond (m/s o m·s⁻¹) in unitaa del Sistema Internazional d'unitaa.

Per esempe, "5 meter per segond" l'è un scalar e mìa un vetor, mentre "5 meter per segond vers est" l'è un vetor.

Ol tass de cambiament de la velocitaa l'è l'acelerazion, qe la descriv come i cambia la celeritaa e la direzion, in relazion al temp.

Velocitaa mediana e istantanea

Velocitaa mediana

Velocitaa mediana ind un cas monodimensional

La velocitaa mediana d'un oject qe l'è dree a mœver-s d'un cert spostament $(\Delta \mathbf {x} )$ ind el intervall de temp $(\Delta t)$ l'è descriita con qesta formula qé:

$\mathbf {\bar {v}} ={\frac {\Delta \mathbf {x} }{\Delta t}}$

Plœ precisament:

${\vec {v}}_{m}={\frac {\Delta {\vec {r}}}{\Delta t}}={\frac {{\vec {r}}-{\vec {r}}_{0}}{t-t_{0}}}={\frac {{\vec {r}}_{B}-{\vec {r}}_{A}}{t_{B}-t_{A}}}$

con ${\vec {r}}$ vetor de la posizion.

Velocitaa istantanea

Velocitaa istantanea ind un cas monodimensional

Per la velocitaa istantanea a 'm dovra la stessa definizion de qella mediana, ma con la condizion $\Delta t\to 0$. Donca:

${\vec {v}}={\underset {\Delta t\to 0}{\mathop {\lim } }}\,{\frac {\Delta {\vec {r}}}{\Delta t}}={\underset {t_{B}\to t_{A}}{\mathop {\lim } }}\,{\frac {{\vec {r_{B}}}-{\vec {r_{A}}}}{t_{B}-t_{A}}}={\underset {t_{B}\to t_{A}}{\mathop {\lim } }}\,{\frac {{\vec {r}}(t_{B})-{\vec {r}}(t_{A})}{t_{B}-t_{A}}}={\frac {d{\vec {r}}(t)}{dt}}$

çoè la velocitaa l'è la derivada de ${\vec {r}}$ rispet al temp.