Voain' i Neily
Ny voain' i Neily na voain' i Nily (Crocodylus niloticus) dia voay lehibe teratany monina amin'ny ranomamy aty Afrika, ka any amin'ny firenena miisa 26 no ahitana azy. Miely patrana manerana an'i Afrika atsimon'i Saharà izy io, indrindra any amin'ny faritra afovoany, atsinanana ary atsimon'ny kaontinanta, ary miaina amin'ny karazana tontolo iainana an-drano toy ny farihy, renirano, honahona ary heniheny.