Mikhail Botvinov
| Mikhail Botvinov | |
|
| |
| Statsborgarskap | Russland, Austerrike |
| Fødd | 17. november 1967 (57 år) Tyoplo-Ogaryovsky District |
| Idrett | langrenn |
| Tok del i | Vinter-OL 1994, Vinter-OL 1992, cross-country skiing at the 2006 Winter Olympics – men's 50 kilometre freestyle, cross-country skiing at the 2002 Winter Olympics – men's 30 kilometre freestyle mass start, Ski-VM 1991, Ski-VM 1993, Ski-VM 1995, Ski-VM 1999, Ski-VM 2001, Ski-VM 2003, Ski-VM 2005, Ski-VM 2007 |
| Utmerkingar | ærestegn i sølv av Ærestegnet for fortjenester |
Mikhail Viktorovitsj Botvinov (fødd 17. november 1967) er ein russisk-austerriksk tidlegare langrennar, fødd i landsbyen Lidinka i Tula oblast i dagens Russland. Han vann i 1999 VM-gull i 4 x 10 km stafett med Austerrike, og vart same sesongen nummer to i verdscupen i langrenn.
Botvinov deltok i skimeisterskap for Sovjetunionen og seinare Russland i tida 1991-95. Desse åra var han avgjort sterkast i OL-sesongen 1994, hans beste individuelle plasseringar var to fjerdeplassar under vinterleikane på Lillehammer, medan han i Ski-VM 1995 i Thunder Bay gjekk Russland inn til bronse i 4 x 10 km stafett. Han tevla for Russland til og med sesongen 1996, då han etter usemje med det russiske skiforbundet utvandra til Austerrike og fekk plass på det austerrikske langrenns-landslaget.
Ved Ski-VM 1999 i Ramsau i Austerrike gjekk Botvinov tredje etappe for arrangørlandet i 4 x 10 km stafett, ei tevling som enda med austerriksk gull etter Christian Hoffmann vann innspurten mot norske Thomas Alsgaard, dei andre på vinnarlaget var Markus Gandler og Alois Stadlober. I same meisterskapen tok Botvinov bronsemedaljen på 50 km.
Under Vinter-OL 2002 tok Botvinov sølv på 30 km bak lagkamerat Hoffmann og han vart femtemann på femmila. Fire år seinare spurta han i mål til bronse då OL-femmila 2006 enda med massespurt, slått einast av Italias Giorgio Di Centa og russaren Jevgenij Dementjev.
Kjelder
[endre | endre wikiteksten]- Sportsboken, aktuelle årgangar.
Bakgrunnsstoff
[endre | endre wikiteksten]- Mikhail Botvinov, olympedia.org
- (en) Mikhail Botvinov – Profil og resultatoversikt hos FIS
- Einskildmenn
- Fødde i 1967
- Sovjetiske langrennsløparar
- Russiske langrennsløparar
- Austerrikske langrennsløparar
- Verdsmeistrar i langrenn
- Olympiske medaljevinnarar i langrenn
- Olympiske sølvmedaljevinnarar for Austerrike
- Olympiske bronsemedaljevinnarar for Austerrike
- Deltakarar for SUS under vinter-OL 1992
- Langrennsløparar under vinter-OL 1992
- Russiske deltakarar under vinter-OL 1994
- Langrennsløparar under vinter-OL 1994
- Medaljevinnarar under vinter-OL 2002
- Austerrikske deltakarar under vinter-OL 2002
- Langrennsløparar under vinter-OL 2002
- Medaljevinnarar under vinter-OL 2006
- Austerrikske deltakarar under vinter-OL 2006
- Langrennsløparar under vinter-OL 2006
- Deltakarar under Ski-VM 1993
- Deltakarar under Ski-VM 1995
- Deltakarar under Ski-VM 1999
- Deltakarar under Ski-VM 2001
- Deltakarar under Ski-VM 2003
- Deltakarar under Ski-VM 2005
- Deltakarar under Ski-VM 2007