Comportamentism

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

La scòla comportamentista (behaviorism) a l'é na corent ëpsicològica che, an partend da jë studi dlë psicòlogh Ivan P. Pavlov (1849-1936) a fortiss che ël comportament uman a l'é determinà e formà da tuta na caterva d'anfluss ambientaj. Ëdcò ël pensé a l'é constituì da n'ansem ëd costume aquisìe ch'a servo a risponde a jë stìmoj esterior conforma a lë schema dë stìmol-rispòsta. Ël fondador dël comportamentism a l'é stàit John B. Watson (1878-1958), ch'a l'era contra le teorìe dl'avèj dal nasse e dij métod psicològich antrospetiv. Antra ij sò esponent, a l'han avù soa amportansa Edwin R. Guthrie (1886-1959) ch'a l'é ocupasse dzortut dij problema dl'amprendiment, E.L. Thorndike (1874-1949), C.L. Hull (1884-1952); un neuv dësvlup a l'ha avulo con Burrhus F. Skinner (1904-1990). Manifest dël comportamentism a peul consideresse l'artìcol Psychology as the behaviorist views it (La psicologìa 'me ch'a la s-ciàira un comportamentista) publicà ant ël 1913 da Watson an sl'arvista Psychological Review.

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi