Pomar

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Pomar     Stat: Italia Region: Piemont Provincia: Provincia ëd Lissandria Nòm 'n italian: Pomaro Monferrato Coordinà: Latitudin: 45° 03′ 49.8′′ N Longitudin: 8° 35′ 42.3′′ E Autëssa: 142 m s.l.m. Surfassa: 13,44 km² Abitant: 355 (2019) Comun dj'anviron: Aussimian, Bòssli, Ël Borgh ëd San Martin, Giaròli, Tisnèis, Valensa, Varmaca CAP: 15040 Prefiss tel.: 0142 Còdes ÌSTAT: 006131 Còdes fiscal: G807  Sant protetor: santa Sabin-a  Festa dël borgh: 29 d'ost  Sit istitussional Pomar (Pomà ant la parlà local; Pomaro Monferrato an italian) a l'é un comun dël Piemont ëd 355 abitant , ant la provinsa ëd Lissandria. Ël pais a resta s'ën cit brich che s'anleva an sla pian-a comprèisa antra ël Pò e 'l Bass Monfrà. Stòria Ël castel Le orìgin ëd Pomar a armonto a l'Àuta Età ëd mes: ël topònim a l'é atestà për la prima vira ant l'ann 934 tanme Pomario, dal latin Pomum e col sufiss -arium për indiché 'n leu piantà a pom o pì an general con erbo da fruta. Ant un document dël 1055 a-i son dle proprietà dël pais ch'a ven-o confermà sota la giurisdission ëd n'ent eclesiàstich. Sota Federich I Barbarossa la posission dël pais a inissia a avèj un pèis polìtich e stratégich e s'anandia la costrussion d'ën castel, che a passa pì vòlte 'd man antra ij marchèis ëd Monfrà e la contà 'd Pavìa. Tra Tërzent e Quatsent Pomar a continua a esse 'n baluard difensiv, chèich vira për ël Casalèis e chèich vira për ël milanèis, a sconda dlë Stat che a l'avìa an giurisdission e che a lo dovrava 'me oget dë scambi ant le vàire contèise. Ant ël Sinchsent a resta implicà ant la guèra antra Fransa e Spagna e a passa sota al contròl dij Gonsaga 'd Màntoa. Dël Sessent la guèra 'd sucession dël Monfrà a porta devastassion: le armà spagneule butà an fuga an diression ëd la riva lombarda dël Pò a decido 'd dé 'l guast al castel ëd Pomar, an drocandlo, tant che a la metà dël sécol a ven riedificà ant le forme ch'as vëddo ancora ancheuj. Dël 1708, an séguit a la Guèra 'd Sucession Ëspagneula e al sucessiv Tratà d'Utrecht, Pomar a passa ansema a tut ël Monfrà al Ducà 'd Savòja 'd Vitòrio Medeo II, che pì tard a dventa Regn ëd Sardëgna. Ij Savòja a anfeodo 'l castel a vàire famije nobiliar, dont l'ùltima a resta cola dij marchèis Dla Val. D'apress a l'época dla dominassion fransèisa ëd Napoleon Bon-a-part, dël 1814 a torna ant ël Regn ëd Sardëgna e a l'é aministrà sota a la Division (peui Provinsa) ëd Lissandria, a la Provinsa (peui Sircondari) ëd Casal e al Mandament ëd Tisnèis. Monument Castel ëd Pomar Aministrassion El sìndich a l'é Mirco Amisano (dal 28/05/2007, scond mandà dal 07/05/2012, ters mandà da l'11/06/2017). Anliure esterne Sit istitussional Arferiment Panorama

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi