Canberra
Canberra è la capitali di l'Australia. S'attrova ntra l'Australian Capital Territory, o lu tirritoriu dâ capitali australiana. Stu tirritoriu nun è nu statu 'n tèrmini pulìtichi, ma na riggiuni spiciali, criata sulamenti pi stabbiliri la nova capitali d'Australia, quannu vinni fidirata ntô 1901.
Canberra havi na pupulazzioni di 323,700.
Struttura urbana
[cancia | cancia lu còdici]Canberra è na citati chi era cumpritamenti prucittata di Walter Burley Griffin, unu dî megghi archittetti miricani dû sèculu XX. Lu centru cittadinu è custriuitu supra dui assi pirpinniculari: un assi d'acqua rapprisintatu dû lacu Burley Griffin e n'assi chi di l'edificiu dû parramentu supra Capital Hill si movi a nord-est versu lu munumentu mimuriali di guerra situatu â basa di Munti Ainslie. L'aria nota comu "lu triàngulu parramintari", difinuta ntô prucettu di Burley Griffin, è chidda cumpresa tra li vèrtici di Capital Hill (cû parramentu), City Hill (cû municipiu) e Russell Hill (cû ministeru dâ difesa), culligati di Commonwealth Avenue, Constitution Avenue e Kings Avenue.
Li banni urbani di Canberra sunnu divisi pi setti riparti. P'òrdini crunulòggicu, sunnu:
- North Canberra, principarmenti natu ntra l'anni 1920 e '30, crescia nni l'anni '60, oggi divisu pi 15 quartieri
- South Canberra, natu ntra l'anni 1920 e '60, 13 quartieri
- Woden Valley, custruitu ntô 1963, 13 quartieri
- Belconnen, funnatu ntô 1967, 25 quartieri
- Weston Creek, funnatu ntô 1969, 8 quartieri
- Tuggeranong, funnatu ntô 1974, 19 quartieri
- Gungahlin, funnatu ô partiri dî '90, 5 quartieri (assai mudernu e ancora sta criscennu)
Sport
[cancia | cancia lu còdici]Canberra òspita ssi squatri e assuciazzioni spurtivi nazziunali:
- Brumbies, rugby (a 15)
- Canberra Raiders, rugby league (a 13)
- Australian Institute of Sport, centru pi l'attillètica e lu natari pî squatri olìmpichi