ბრნო (ჩეხ. Brno [ˈbr̩no]), გერმანული ბრიუნი (გერმ. Brünn) — სტატუტური ნოღა ჩეხეთიშ რესპუბლიკას, მორავიაშ ისტორიულ რეგიონს, წყარმალუეფიშ სვიტავაშ დო სვრატკაშ ართიანშა ინოკათუაშ აბანიშ გოხოლუას. ობჟათე მორავიაშ აკანიშ დო ნოღა ბრნოშ ადმინისტრაციული ცენტრი; მორავიაშ ჸოფილი ნანანოღა (1641—1928/49). ნოღა ვითოშწანურაშ უმოსი ისტორიათ.
ჩეხეთიშ სიკაბეტათ მაჟირა ნოღა, პრაღაშ უკული, ნამუთ ნოღაშე 205 კილომეტრის იდვალუაფჷ, მორავიაშ უშხუაში ნოღა. ქიანაშ სიკაბეტათ მასუმა დო მორავიაშ მაჟირა ონოღე აგლომერაცია (ნანანოღაშ დო ოსტრავაშ უკული).
