Chhim-khoân hêng-ûi

Chhim-khoân hêng-ûi(hàn-jī: 侵權行為) sī mó͘-mí-lâng ûi-hoat chhim-hoān kî-thaⁿ lâng ê khoân-lī he̍k-chiá lī-ek ê hêng-ûi. Tī bîn-hoat siong-koan ê kui-tēng tang-tiong, iau-kiû chhim-hāi kî-thaⁿ lâng khoân-lī ê ka-hāi-chiá tùi siū-hāi-chiá ê sún-sit hū-chek pôe-siông.

Tī bîn-hoat thé-hē, chhim-khoân hêng-ûi in-ūi bô su-iàu siang-hong tong-sū-jîn tông-ì tio̍h ē-sái sêng-li̍p, só͘-í sio̍k-î hoat-tēng(法定) ê chè-khoân, kah it-poaⁿ in-ūi khè-iok sêng-li̍p ê ì-tēng(意定) chè-khoân bô kâng.

Chhim-khoân hêng-ûi ê iàu-kiāⁿ pau-koat:

1. Ka-hāi-chiá ê kò͘-ì he̍k-chiá kòe-sit
2. Khoân-lī siū chhim-hāi
3. Hoat-seng sún-sit
4. Chhim-hāi hêng-ûi kah sún-sit chi-kan ū in-kó koan-hē
5. Ka-hāi-chiá ū chek-jīm lêng-le̍k
6. Ûi-hoat-sèng

Ná sêng-li̍p chhim-khoân hêng-ûi, ka-hāi-chiá ài hū-chek hôe-hok goân-lâi ê chōng-thài, he̍k-chiá pôe-siông tùi-hong ê sún-sit.

Liân-kiat

• bîn-hoat

Gōa-pō͘ liân-kiat

• 民法 第 184 條