Універсітэт імя Харпера Адамса

Універсітэт імя Харпера Адамса
англ.: Harper Adams University
Арыгінальная назва	англ.: Harper Adams University
Заснаваны	1901
Год рэарганізацыі	2012
Краіна	Вялікабрытанія
Размяшчэнне	Эджманд, Шропшыр, Англія
Сайт	harper-adams.ac.uk
Медыяфайлы на Вікісховішчы

Універсітэт імя Харпера Адамса (англ.: Harper Adams University) — брытанская дзяржаўная вышэйшая навучальная ўстанова са статусам універсітэта з сядзібай у вёсцы Эджманд у графстве Шропшыр.

Агульная характарыстыка

Названы ў гонар Томаса Харпера Адамса, багатага джэнтльмена, фермера са Шропшыра, які памёр у 1892 годзе, завяшчаючы маёнтак і грошы будучай сельскагаспадарчай вучэльне.

Універсітэт заснаваны ў 1901 годзе як каледж імя Харпера Адамса. Размешчаны недалёк ад вёскі Эджманд у графстве Шропшыр. Вучэльня спецыялізуецца на атрыманні вышэйшай сельскагаспадарчай адукацыі. Ён атрымаў статус універсітэцкага каледжа ў 1998 годзе і статус універсітэта ў 2012 годзе.

Універсітэт прадастаўляе больш за 50 праграм бакалаўрыяту і аспірантуры для студэнтаў з больш чым 30 краін. Універсітэт размешчаны ў межах 550 га (1360 акраў) дзеючай фермы.

Спасылкі

• На Вікісховішчы ёсць медыяфайлы па тэме Універсітэт імя Харпера Адамса
• Афіцыйная інтэрнэт-старонка ўстановы