Republica Popular de China

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Republica Popular de China 中华人民共和国 Zhōnghuá Rénmín Gònghéguó
(En detalle) (En detalle)
Lema nacional:
Himno nacional: Yìyǒngjūn Jìnxíngqú
Situación China
Capital  • Población	Pekín 13.758.000 (2019)
Mayor ciudat	Chongqing
Idiomas oficials	Chinés mandarín1
Forma de gubierno President Primer ministro	Republica socialista Xi Jinping (习近平 , 習近平) Li Qiang (李強 , 李强)
Establimiento Guerra Civil China	1 d'octubre de 1949
Superficie  • Total  • % augua Mugas	Posición 4º 9.596.960 km² 2,8% 22.117 km
Población  • Total (2020)  • Densidat	Posición 1º 1.400.050.000 145,88 hab/km²
PIB (PPA)  • Total (2019)  • PIB per capita	Posición 2º EUR€ 12.369.390.391.910 EUR€ 8.835
Moneda	Renminbi (CNY)
Chentilicio	Chinés/a u chino/a
Zona horaria	UTC+8
Dominio d'Internet	.cn
Codigo telefonico	+86
Prefixo radiofonico	3HA-3UZ
Codigo ISO	156/CHN/CN
Miembro de: ONU, APEC
1 O pǔtōnghuà ye o estandar oficial charrato, fueras de en Hong Kong y Macau a on que s'emplega tamién o cantonés. O chinés mandarín ye co-oficial con l'anglés en Hong Kong y con o portugués en Macau. En rechions minoritarias, o chinés mandarín ye co-oficial con luengas minoritarias como l'uigur, mongol y o tibetano.

A Republica Popular de China (en chinés 中华人民共和国 Zhōnghuá Rénmín Gònghéguó) ye un país situato en l'este d'Asia, o cuatreno mas gran d'o mundo en cuanto a amplaria territorial.

A suya población ye de 1.325.992.000 habitants (estimación de 2008) en una superficie de 9.596.960 km², con una densidat de población de 138 hab/km². Ye o país con mayor numero d'habitans d'o mundo.

As ciudaz mas importants son Pekín (a capital), Xangai, y Hong Kong, totas con mas de 10 millons d'habitants, y bi ha arredol de 40 ciudaz de mas d'1 millón.

La suya forma de gubierno ye la d'un estau socialista de partiu hechemonico gubernau indirectament por o Partiu Comunista de China. En 1982 se proclamó una nueva Constitución, en a que o poder lechislativo recaye en o Congreso Nacional Popular de China, formau por 3.000 miembros con un mandato d'una duración de 5 anyadas. O poder executivo recaye en un Consello de Gubierno formau por un President de Gubierno y os suyos ministros, y por un President de China que en l'actualidat ye Xi Jinping.

Toponimia

Os chineses d'etnia han dicen a la suya tierra Zhongguo, que significa "país" u "estato" y etimolochicament se relaciona con Zhong, "a civilización", en oposición a los países y pueblos barbaros.

O toponimo China provién d'o nombre d'a dinastía Qin, y s'introdució en Occident por a conoixencia que os europeus teneban d'as sederías que bi heba en ixas envueltas en China.

Marco Polo nombra lo norte de China en o suyo libro Cathay, y mientres bel tiempo asinas diciban os europeus a China, tal y como veyemos en a traducción aragonesa de "La Flor de las Ystorias d'Orient" y "Libro d'as Marabillas d'o Mundo". A denominación Cathay se remonta a los khitan, un pueblo mongol que dominó o norte de China y que fue forachitato por os churchez ta Asia Central enta l'anyo 1225, convertindo-se en os Kara Khitai.

Marco Polo nombra o sud de China que Kublai Khan habió de conquerir como Mangi, y en a traducción aragonesa d'o "Libro de Marco Polo" s'estribe Mangui u Daumangui:

Et aq(u)i ya muchas abadias de lures ydolas et quando partiemos desta ciudat et huuiemos caualgadas dos leguas trobamos dos caminos porel vn(a)[o] va hombre al ponent et porel otro al exaloch aq(ue)l de ponent va al cathay et el de exaloch va ala prouinçia de Mangui

en la grant prouinçia de daumangui auie vn Rey qui se clamaua Sanchfur et auie tan grant tresoro et tantas gentes que pocos senyores ya al mundo tan gra(n)de como el sino el gra(n)t chan mas no es honbre darmas

En o Manuscrito alchamiau d'Urreya de Xalón nombran China como Assin:

i entraré en las tierras de Assin, i trastornaré las tierras de a man derecha i a man eskerra

Chentilicio

En idioma aragonés actual, en proceso de desaparición, predomina l'uso d'o mesmo chentilicio que se fa servir en castellano, ye dicir chino, que tamién se troba como barbarismo en idiomas vecins como ye o catalán, y que representa una tendencia que tien o castellano de fer chentilicios heredata d'o latín cambeando a a d'o toponimo por a o (Dacia-Dacio, Estonia-Estonio). L'uso de chino como chentilicio en aragonés lo documentamos en "A Lueca" y en "Continazión (1922-1983)", de Chuana Coscujuela:

teneba a cara de china y llebaba un bestido...

Pero no te diré que yera treballo de chinos.

Manimenos fendo uso d'a derivación a partir d'un sufixo pa creyar chentilicios en aragonés se puet adaptar chinés coincidindo con o francés chinois y o catalán xinès.

Cheografía fisica

Foto de satelite de China

A Republica Popular de China (RPCh) ye o segundo país mas amplo d'Asia, dimpués de Rusia, y o tercero u cuatreno mas gran d'o mundo. No se puet calcular prou bien a suya superficie debito a las disputas territorials entre China y a India, en concreto Askai Chinés y Trans-Karakoram, y tamién os diferents metodos emplegatos ta calcular a superficie d'os Estaus Unius fan que pueda estar cualsiquiera d'istos dos o tercer país mas amplo. China tien mugas con 14 países: Afganistán, Vietnam, Bután, Cazaquistán, Corea d'o Norte, India, Laos, Mongolia, Birmania, Nepal, Pakistán (en o territorio desputato por a India d'o Caixmir), Kirguizistán, Rusia y Tachikistán. Tamién muga con a mar Amariella, a mar de China Oriental y a mar de China Meridional.

Mont Everest, punto mas alto de China y d'a Tierra.

Debito a la suya amplaria territorial bi ha una ripa de paisaches y zonas climaticas en China. A l'este, a lo largo d'a costa d'a mar Amariella y d'a mar d'a China Oriental, bi ha planas aluvials con una alta densidat de población. A zona costera d'a mar d'a China Meridional ye mas montanyosa y a lo sud de China domina a orografía de chicotas sierras. En o centro de l'aria oriental bi son os deltas d'os ríos mas grans: o río Amariello y o Yangtze. Atros ríos importants son o río d'as Perlas, o Mekong, o Brahmputra, l'Amur, o Huai He y o Xi Jiang.

A l'ueste mandan as grans cordeleras, mas que mas o Himalaya, a mayor altaria d'a cual ye o mont Everest, y os altiplanos que caracterizan a mayor parti d'o paisache arido d'os disiertos d'o Takla-Makan y o Gobi. Debito a la sequera y as practicas agricolas perchudiciosas, as tronatas d'arena son comunas mientres a primavera. A expansión d'o disierto de Gobi ye a causa prencipal d'istas tronatas que afectan a lo nord-este chinés, y mesmo a Corea y Chapón.

Encara que s'han aprobato politicas y regulacions ambientals dende 1979, o medio ambient en a China contina deteriorando-se, ya que muito a sobén se mira mas por o desembolique economico que por o medio ambient. Amás, encara que China ha ratificato lo Protocolo de Kyoto, como país en vías de desarrollo no tien denguna limitación a las suyas emisions de dioxido de carbonio. Debito a la suya rapeda industrialización, China se ye convertindo en un d'os emisors mas grans de gases de carbonio que contribuyen a lo escalfamiento global.

Estructura politica

O president chinés Hu Jintao y o president estatonitense George W. Bush

A Republica Popular China tien un sistema politico unipartidista, con predominancia d'o Partiu Comunista Chinés, sistema de tipo autoritario y restrictivo con as Libertatz como a libertat d'expresión, a libertat d'asociación u a libertat de reunión. Dende os anyos 1970, sindembargo, o rechimen chinés ha feito una chicota evolución, encara que con muitos procesos involutivos.

Asinas, en 1982 se proclamó una nueva Constitución, que dá o poder lechislativo a o Congreso Nacional Popular de China, formato por 3.000 miembros, esleitos indreitament por os diferents nivels administrativos chineses, con un mandato d'una duración de 5 anyadas; bi ha un Comité Permanent. O poder executivo ye d'un Consello de Gubierno formato por un president de Gubierno y os suyos ministros, y por un president de China. Sindembargo, a propia Constitución reconoixe y asegura la predominancia d'o Partiu Comunista Chinés, que ye quien nombra a los candidatos a ocupar os cargos politicos en o país.

Organización politico-administrativa

Articlo prencipal: Organización politico-administrativa de China

Mapa admnistrativo de China

A Republica Popular China se divide oficialment en tres livels:

1. A livel provincial o país se divide en 23 provincias, 5 rechions autonomas, 4 municipios baixo churisdicción central (u municipalidaz), y 2 rechions administrativas especials.
2. A livel de districtos, as provincias y rechions autonomas se dividen en prefecturas autonomas, districtos, districtos autonomos y ciudaz;
3. A livel cantonal, os districtos y districtos autonomos se reparten en cantons, cantons de minorías etnicas y poblatos.

Asinas os nivels provincial, districto y cantonal se flexibilizan ta adaptar-se a las particularidaz etnicas u economicas d'o territorio: as rechions autonomas, prefecturas autonomas y districtos autonomos son divisions de 1^ero u 2^ndo livel habitatas por as 55 etnias minoritarias que tienen a suya propia autonomía ta fer leis especificas. As municipalidaz de Pekín, Tianjin, Xangai y Chongqing incluyen belunas d'as mayors ciudaz d'o mundo y son baixo administración dreita. A la fin, as antigas colonias europeas de Hong Kong y Macau mantienen una gran autonomía como rechions administrativas especials, conservando o suyo propio sistema economico y chudicial, amás de muitas caracteristicas propias d'estatos independients, como a suya propia moneda, dominio d'Internet, prefixo telefonico, bandera, ecetra. Baixo iste modelo Taiwán se considera una d'as 23 provincias d'a Republica Popular China, encara que en la practica la isla ye independient, y se troba administrata por o rechimen d'a Republica de China dende a fin d'a Guerra Civil de 1949.

Divisions de nivel provincial
Provincias
Anhui	安徽	Hainan	海南	Hunan	湖南	Qinghai	青海	Taiwán	台湾
Fujian	福建	Hebei	河北	Jiangsu	江苏	Shaanxi	陕西	Yunnan	云南
Gansu	甘肃	Heilongjiang	黑龙江	Jiangxi	江西	Shandong	山东	Zhejiang	浙江
Guangdong	广东	Henan	河南	Jilin	吉林	Shanxi	山西
Guizhou	贵州	Hubei	湖北	Liaoning	辽宁	Sichuan	四川
Rechions autonomas
Guangxi	广西	Mongolia Int.	内蒙古	Ningxia	宁夏	Xīnjiāng	新疆	Tibet	西藏
Municipalidaz
Pekín	北京	Chongqing	重庆	Xangai	上海	Tianjin	天津
Rechions Administrativas Especials
Hong Kong	香港	Macau	澳门

Disputas territorials

Amás de reclamar o territorio d'a Republica de China, a Republica Popular de China tien bellas desputas territorials con atras nacions:

• Aksai Chin, un territorio administrato por China y reclamato por a India.
• Arunachal Pradesh (u Tibet d'o Sud), administrato por a India y reclamato por China en considerar-lo part d'o Tibet.
• Islas en a Mar d'a China:
  • Islas Paracel, administratas por China y reclamatas por a Republica de China y Vietnam.
  • Islas Spratley, reclamatas por a Republica Popular de China, a Republica de China y Vietnam. Amás, parti d'istas islas ye reclamata por Malaisia, Filipinas y Brunei.
  • Islas de Senkaku y Diaoyu, reclamatas por a Republica Popular de China y a Republica de China.

Esporte

L'exercicio fisico ye parte d'a cultura china dende l'antiguidat, existen evidencias que mientres a dinastía Han se chugaba una forma de fútbol clamada Ts'u Chü, encara que se creye que ye muito mas antigo. As artes marcials, hue consideradas esporte, yeran practicadas dende l'antiguidat en formas y variants que han orichinau en as actuals. Yeran practicadsa por militars, mencionadas en L'arte d'a guerra de Sun Tzu y os monches ya antes d'a creyación d'o Templo de Shaolin pero istos con una aplicación mas de creiximiento espiritual y filosofico, as artes marcials chinesas son conoixidas baixo o nombre de Kung-Fu.

Muitos realizan exercicios matutinos pareixius a o taichí, y os chóvens d'as ciudatz tamién practican fútbol y baloncesto, entre d'atros esportes, especialment en as zonas urbanas con arias verdas y espacios ubiertos limitaus, anque tamién os chimnasios y clubs esportivos prencipian a cobrar popularidat en as ciudatz d'o país.

Lo esporte d'alto libel ye considerau como una cuestión d'estau, ye patrocinado, promoviu y utilizau como una muestra de poder y superioridat d'a cultura china. A ormino los esportistas chinos que aconsiguen grans victorias en escayecimientos importants son premiaus economicamente, con casas y treballos de funcionario u militar.

Vinclos externos

• Se veigan as imáchens de Commons sobre China.
• (en) Sitio web d'o Gubierno central d'a Republica Popular de China.
• (en) Information, Links, History and more of China. Información y historia de China.

• Datos: Q148
• Multimedia: China / Q148