Juan Barcia Caballero

Juan Barcia Caballero

Biografía
Nacemento	1852 Santiago de Compostela, España
Morte	10 de outubro de 1926 (73/74 anos) Santiago de Compostela, España
Educación	Universidade de Santiago de Compostela
Actividade
Ocupación	escritor, médico, poeta, novelista
Partido político	Asociación Regionalista Gallega
Membro de	Real Academia Galega (académico de número) (1905–1926)
Familia
Fillos	Juan Barcia Eleizegui

Juan Barcia Caballero, nado en Santiago de Compostela en 1852 e finado na mesma cidade o 10 de outubro de 1926, foi un médico e escritor galego.

Traxectoria

Fillo de Juan Ramón de Barcia Nalda (1825-1902). Estudou medicina en Santiago e Madrid e foi catedrático nas universidades de Granada e Santiago e director do Hospital de San Roque e do Manicomio de Conxo en Santiago. Fundou El Porvenir, foi redactor de El Libredón, e colaborou en O Novo Galiciano, El Ciclón, El Eco de Santiago, El Cínife, As Burgas e El Diario de Orense. De ideoloxía rexionalista participou na constitución da Asociación Regionalista Gallega e colaborou en Acción Gallega.

Apéndice de En las orillas del Sar de Rosalía Castro de Murguía, na edición de 1909, por J. Barcia Caballero.

Dirixiu a revista médica La Crónica. Publicou Programa de Anatomía Práctica (1883) e Anatomía Práctica (1898, en colaboración con Vicente Goyanes Cedrón) e escribiu varios traballos en De re phrenopatica no eido da Psiquiatría (1915). Foi o tradutor ao galego do texto latino do Terceiro Concilio de Toledo para a edición políglota de 1891.

En 1912 deu o discurso de apertura do curso universitario 1912-1913 da Universidade de Santiago de Compostela coa lectura de "La Locura y la Libertad".

Obra

• La cuestión palpitante. Cartas amistosas a la Sra. Dª Emilia Pardo Bazán, 1881.
• Mesa revuelta. Ensayos literarios, 1883 (bilingüe galego-castelán).
• Rimas, 1891 (poesía, en galego, Biblioteca Gallega).
• Dos almas, 1907 (novela, en colaboración co seu fillo Juan Barcia Eleizegui).
• El señor Nin, 1922 (novela, en colaboración co seu fillo Juan Barcia Eleizegui).

Véxase tamén

Bibliografía

• Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Carballo Calero, R. (1975) [1963]. Historia da literatura galega contemporánea. Galaxia. ISBN 84-7154-227-7. 
• Couceiro Freijomil, A. Diccionario bio-bibliográfico de escritores (en castelán). Santiago de Compostela: Bibliófilos Gallegos. 
• Fernández del Riego, F. (1992) [1990]. Diccionario de escritores en lingua galega (2ª ed.). Do Castro. ISBN 84-7492-465-0. 

Ligazóns externas

• "Juan Barcia Caballero". Álbum da Ciencia do Consello da Cultura Galega.