Лорал

Лóрал (да) (лат: medicina хьадаьннад ars medicina — «дарбан говзал», «верзавара говзал» яхача цхьанкхийттача дешаех) — унахцӀено лораяри, из дегӀайоалаяри, вахар дӀаьхдари, сага́ а дийната́ а лазараш хургдоацаш наькъаш лахари, уж лазараш хьахилча царна дарба дари Ӏалашдар тохка Ӏилма.

Юкъера лорал кхыча наькъашца диста дезаш хилча, масала, кхыдолча лоралца, халкъа лоралца, «лорал» яха дош доашх, хьакъоастаду: массане тӀаийца лорал, далил дола лорал, официальни лорал, цкъаза конвенциональни лорал а оал («конвенциональни» ингал: conventional — «юкъера», «хьадена», «массане тӀаийца» яхачох).

Кхыдолча лорала методаш тӀаийца́ долчун (юкъерча лоралца) методашца вӀашкайоагӀаш моттиг нийсъелча, цунах дизза дола лорал оал.