Sumarólympíuleikarnir 1972

20. sumarólympíuleikarnir
Bær:	München, Vestur-Þýskalandi
Þátttökulönd:	121
Þátttakendur:	7.134 (6.075 karlar, 1.059 konur)
Keppnir:	195 í 21 greinum
Hófust:	26. ágúst 1972
Lauk:	11. september 1972
Settir af:	Gustav Heinemann forseta
Íslenskur fánaberi:	Geir Hallsteinsson

Sumarólympíuleikarnir 1972 voru haldnir í München í Vestur-Þýskalandi frá 26. ágúst til 10. september.

Ólympíuleikanna 1972 er einkum minnst fyrir blóðbaðið í München, þar sem átta meðlimir palestínsku skæruliðasamtakanna Svarta september tóku 11 ísraelska íþróttamenn í gíslingu. Árásin leiddi til dauða allra gíslanna og eins þýsks lögreglumanns.

Aðdragandi og skipulagning

Ákvörðunin um keppnisstað var tekin vorið 1966 á fundi Alþjóðaólympíunefndarinnar. Fjórar borgir sóttust eftir gestgjafahlutverkinu. Auk München voru það Madrid, Montréal og Detroit. München fékk langflest atkvæði í fyrstu umferð valsins en þó ekki tilskilinn meirihluta. Norðu-Amerísku borgirnar tvær fengu fæst atkvæði í þeirri umferð, sex talsins og féll Detroit þá úr leik. Í næstu umferð fékk München 31 atkvæði á móti 16 atkvæðum Madrid og 13 atkvæðum Montréal.

Keppnisgreinar

Keppt var í 195 greinum. Fjöldi keppna í einstökum íþróttaflokkum er gefinn upp í sviga.

• Frjálsar íþróttir (38)

• Kappróður (7)

• Körfuknattleikur (1)

• Hnefaleikar (11)

• Kajakróður (11)

• Hjólreiðar (7)

• Reiðmennska (6)

• Skylmingar (8)

• Handknattleikur (1)

• Knattspyrna (1)

• Fimleikar (14)

• Ólympískar Lyftingar (9)

• Hokkí (1)

• Fangbrögð (20)

• Júdó (6)

• Nútímafimmtarþraut (2)

• Sund (29)

• Dýfingar (4)

• Sundknattleikur (1)

• Skotfimi (8)

• Bogfimi (2)

• Siglingar (6)

• Blak (2)

Handknattleikskeppni ÓL 1972

Innanhússhandknattleikur var í fyrsta sinn á dagskrá Ólympíuleikanna árið 1972. Íslenska landsliðið tryggði sér keppnisrétt með góðum árangri í forkeppni á Spáni í marsmánuði.

Sextán lið tóku þátt og var Ísland í B-riðli ásamt Austur-Þýskalandi, Tékkóslóvakíu og Túnis. Íslendingar töpuðu fyrir Austur-Þjóðverjum í fyrstu viðureign og misstu unninn leik gegn Tékkóslóvakíu niður í jafntefli. Íslenska liðið hefði þurft að vinna 22 marka sigur á Túnis í lokaleik til að komast áfram úr riðlinum, en það tókst ekki. Eftir töp gegn Pólverjum og Japönum hafnaði íslenska liðið loks í tólfta sæti.

Lið Júgóslava hlaut gullverðlaunin eftir sigur á Tékkum í úrslitaleik og bronsverðlaunin komu í hlut Rúmena.

Þáttakendur

Þátttaka Íslendinga á leikunum

Auk handknattleikslandsliðsins, sendu Íslendingar fjóra sundmenn, fjóra frjálsíþróttamenn og tvo lyftingamenn á leikana þá Óskar Sigurpálsson og Guðmund Sigurðsson.

Í Ólympískum Lyftingum varð Óskar Sigurpálsson í 19 sæti í -110 kg. flokki og Guðmundur Sigurðsson í 13. sæti í - 90 kg. flokki.

Guðjón Guðmundsson náði bestum árangri sundmanna. Hann varð 36. í 100 metra bringusundi á nýju Norðurlandameti. Var hann valinn Íþróttamaður ársins 1972 fyrir afrek sitt. Sundkappinn Guðmundur Gíslason keppti á sínum fjórðu Ólympíuleikum.

Í frjálsíþróttakeppninni varð Bjarni Stefánsson 30. í milliriðli í 400 metra hlaupi, en hafði áður sett nýtt Íslandsmet í forriðli. Lára Sveinsdóttir keppti í hástökki og varð þar með fyrst íslenskra kvenna til að keppa í frjálsum íþróttum á leikunum.

Verðlaunaskipting eftir löndum

Nr.	Land	Gull	Silfur	Brons	Samtals
1	Sovétríkin	50	27	22	99
2	Bandaríkin	33	31	30	94
3	Austur-Þýskaland	20	23	23	66
4	Vestur-Þýskaland	13	11	16	40
5	Japan	13	8	8	29
6	Ástralía	8	7	2	17
7	Pólland	7	5	9	21
8	Ungverjaland	6	13	16	35
9	Búlgaría	6	10	5	21
10	Ítalía	5	3	10	18
11	Svíþjóð	4	6	6	16
12	Bretland	4	5	9	18
13	Rúmenía	3	6	7	16
14	Kúba	3	1	4	8
	Finnland	3	1	4	8
16	Holland	3	1	1	5
17	Frakkland	2	4	7	13
18	Tékkóslóvakía	2	4	2	8
19	Kenýa	2	3	4	9
20	Júgóslavía	2	1	2	5
21	Noregur	2	1	1	4
22	Norður-Kórea	1	1	3	5
23	Nýja Sjáland	1	1	1	3
24	Úganda	1	1	0	2
25	Danmörk	1	0	0	1
26	Sviss	0	3	0	3
27	Kanada	0	2	3	5
28	Íran	0	2	1	3
29	Belgía	0	2	0	2
	Grikkland	0	2	0	2
31	Austurríki	0	1	2	3
	Kólumbía	0	1	2	3
33	Argentína	0	1	0	1
	Suður-Kórea	0	1	0	1
	Líbanon	0	1	0	1
	Mexíkó	0	1	0	1
	Mongólía	0	1	0	1
	Pakistan	0	1	0	1
	Túnis	0	1	0	1
	Tyrkland	0	1	0	1
41	Brasilía	0	0	2	2
41	Eþíópía	0	0	2	2
43	Ghana	0	0	1	1
	Indland	0	0	1	1
	Jamæka	0	0	1	1
	Níger	0	0	1	1
	Nígería	0	0	1	1
	Spánn	0	0	1	1
Alls		195	195	210	600