Rondaninn-a de mâ (Sterna Hirundo)
ZE
|
Quésta pàgina a l'é scrîta in zenéize, segóndo a grafîa ofiçiâ |
A Rondaninn-a de mâ (Sterna Hirundo Linnaeus1758; scinònimo: Sterna fluviatilis) a l´é ´n öxello marìn - òrdine Caradriformi, famiggìa Laridi, sóttafamiggìa Sternidi.
Descriçión
[modìfica | modìfica wikitèsto]
A rondaninn-a de mâ a gh´à o becco rósso co-a punta neigra, longo fòrte e apisuo; o capusso neigro, zanpe rósse, còrpo in prevalensa gianco, schenna e âe grixo perla sovia, grixo ciæo sotta, remiganti neigre. In livrea invernale àn becco scûo, fronte gianca e maccie grixe in sce spalle.
Con 'na longhessa de 35-37 citti conpreiso a côa forcûa e 'n'apertûa alâre de 75-80 citti a l'à in xêuo agile ch'o s'avixìna a quello de rondaninn-e, da chie o nomme Rondaninn-a De Mâ.
Difuxón
[modìfica | modìfica wikitèsto]Öxello migratô, o l´é prezénte in scê coste de mâ e laghi de tutta Eoröpa; in Italia se concentran inte l'Érto Adriatico lagùnn-e Venete, Veneçia Giûlia; pàssan l'iinverno in Africa òcidentâle e meridionâle -da Agósto a Novembre, dòppo a riproduçión xeuan verso l'Africa, fra Màrso e Màzzo vegnan de ritórno verso e zòne de nidificaión.
«Zona meridionale del circondario di Savona, (..) Sterna fluviatilis, Ciumbin. Alquanto scarsa in primavera. Genova, distretto di Arenzano e Cogoleto (..) Sterna fluviatilis, Rondanina de ma. Comune, di passo regolare in aprile ed in agosto e settembre.»[1]
Riproduçión e ritoâle d´acobiaménto
[modìfica | modìfica wikitèsto]
O màsccio o sedûe a femina co'n pescio into becco. Tra a fin d' Arvî e meitæ de Zùgno fàn o nîo in zòne ùmide sarmaxe, salìnn-e lagùnn-e, valli da pésca; a femina a depónn-e da 1 a 3 êuve, incobaçión 21-22 giorni, i polìn xêuan dòppo 25-26 giorni ch'én sccioîi.
Nutriménto
[modìfica | modìfica wikitèsto]A rondaninn-a de mâ a se nùtre prinçipalménte de pesci ch'a l'indivìdoa xêuando, a se férma in âia,o coscì dîto "spirito santo" e ch'a i catûra co'n tùffo a pìcco inte l'ægoa.
Spêce scìmile
[modìfica | modìfica wikitèsto]Sterna hirundo e a rondaninn-a côa giànca (Sterna Paradisea -Pontopiddan 1763) en squaæxi pægie. A rondaninn-a côa giànca a l´à o becco ciù cùrto tutto rósso, côa clù lónga. A l´é conosciua percöse a fa ´na migraçión ben ben lònga, da e zòne Àrtiche dónd 'a nàsce a-e Antartiche, da l'estæ do Pòlo Nord a quella do Pòlo Sud: 70.000-80.000 chilometri. Iregolâre de pàsso a l´é stæta segnalâ da-i "Birdwatching" de Ligùria e Vèneto.
A rondaninn-a de mâ gròssa (Hidroprogne Caspia - Pallas 1720) a l'é ciù grànde -50 cìtti de longhessa.
Nòtte
[modìfica | modìfica wikitèsto]- ↑ Giglioli, Enrico Hillyer; Avifauna italica (1886)
Âtri progètti
[modìfica | modìfica wikitèsto]
Wikimedia Commons a contêgne di files in sce Rondaninn-a de mâ (Sterna Hirundo)
Wikispecies a contêgne informaçioìn in sce Rondaninn-a de mâ (Sterna Hirundo)
| Contròllo de outoritæ | LCCN (EN) sh85029000 · NDL (EN, JA) 01110532 |
|---|