Paweł Fajdek

Paweł Fajdek
Paweł Fajdek i 2015 Foto: Zorro2212
Statsborgarskap	Polen
Fødd	4. juni 1989 (35 år) Świebodzice
Idrett	friidrett
Tok del i	Sommar-OL 2012, Friidrett under Sommar-OL 2016, Friidrett under Sommer-OL 2020 – Sleggekast menn
Utmerkingar	ridder av ordenen Polonia Restituta, Fortjenstkorset i gull

Paweł Fajdek kastar under Universiaden i 2015.

Paweł Fajdek (fødd 4. juni 1989) er ein polsk friidrettsutøvar frå Świebodzice som tevlar i sleggjekasting. Han vart verdsmeister i øvinga fem gongar i rad: 2013, 2015, 2017 2019 og 2022, europameister i 2016. Fajdek har ein personleg rekord på 83,93 meter, oppnådd i 2015.

Aktiv

Under verdsmeisterskapen 2013 forbetra Fajdek sitt personbeste med nærare to meter til 81,93 meter og vann sleggjeøvinga framom favoritten Krisztián Pars. Året etter flytta Fajdek rekorden sin til 82,05 m i EM-finalen, men vart vist til sølvplass av nemnde Pars. 9. august 2015 i Szczecin slengde Fajdek sleggja 83,93 meter, hans livs beste kast. På langt nær like langt kasta han ikkje i VM i Beijing to veker seinare, likevel vart det ein klar siger. Heller ikkje i EM 2016 var han mykje truga i kampen om gullmedaljen i øvinga.

Etter ein mislukka OL-tur til Rio de Janeiro i 2016, heldt Fajdek fram å plukke medaljar i åra etter. Han vann VM-gull i 2017 med romsleg margin, vist til sølvplass av landsmannen Wojciech Nowicki i EM 2018, men kom tilbake i 2019 og vann i Doha VM-gull for fjerde gong i rad. Under dei olympiske sommarleikane 2021 i Tokyo kom han på tredjeplass med eit bestekast på 81,53 m, nær meteren bak Nowicki ogslått med 5 cm av den norske overraskingsmannen Eivind Henriksen.

Medaljar og plasseringar i internasjonale meisterskap

• VM 2011 i Daegu: Nr 11 – 75,20 m
• OL 2012 i London: Utslått i kvalifiseringa (-)
• VM 2013 i Moskva: Gullmedalje – 81,97 m, framom Krisztián Pars (80,30 m)
• EM 2014 i Zürich: Sølvmedalje – 82,05 m, bakom Krisztián Pars (82,69 m)
• VM 2015 i Beijing: Gullmedalje – 80,88 m, framom Dilsjod Nazarov (78,55 m)
• EM 2016 i Amsterdam: Gullmedalje – 80,93 m, framom Ivan Tsikhan (78,84 m)
• OL 2016 i Rio de Janeiro: Utslått i kvalifiseringa (72,00 m= nr 17)
• VM 2017 i London: Gullmedalje – 79,86 m, framom Valerij Pronkin (78,16 m)
• EM 2018 i Berlin: Sølvmedalje – 78,69 m, bakom Wojciech Nowicki (80,12 m)
• VM 2019 i Doha: Gullmedalje – 80,50 m, framom Quentin Bigot (78,19 m)
• OL i 2021 i Tokyo: Bronsemedalje – 81,53 m
• VM 2022 i Eugene: Gullmedalje – 81,98 m, framom Wojciech Nowicki (81,03 m)
• EM 2022 i München: Nr 4 – 79,15 m
• VM 2023 i Budapest: Nr 4 – 80,00 m
• EM 2024 i Roma: Nr 6 – 77,50
• OL 2024 i Paris: Nr 5 – 78,80 m

Kjelder

• World Athletics
• Denne artikkelen bygger på «Paweł Fajdek» frå Wikipedia på tysk, den 1. mai 2022.