Mas Santas Puèlas

Vilatge d'Occitània

Mas Santas Puèlas
Mas-Saintes-Puelles

Lo pòrge de la glèisa

Geografia fisica

Coordenadas

43° 18′ 51″ N, 1° 52′ 39″ E

Superfícia

27,63 km²

Altituds
· Maximala
· Mejana
· Minimala

324 m
210 m
164 m

Geografia politica

Lengadòc

França

Bassin Chaurien, en francés (Castèlnau d'Arri Sud abans 2015)

Intercom
200035855

CC de Castèlnau d'Arri Lauragués Audenc

Cònsol

Isabelle Siau
(2020-2026)

Geografia umana

Populacion
Populacion totala
(2018)

924 ab.

946 ab.

Densitat

32,57 ab./km²

Autras informacions

Gentilici

Massogienses, Massogiens
(en francés)

Còde postal

11400

Còde INSEE

11225

Mas Santas Puèlas o puslèu Le Mas Santas Puèlas (Mas-Saintes-Puelles en francés) es una comuna lengadociana en Lauragués, situada dins lo departament d'Aude e la region d'Occitània, ancianament de Lengadòc-Rosselhon.

Geografia

Comuna de Lauragués situada a 6 km a l'oèst de Castèlnòu d'Arri dins son airal urban. Es un passatge estreit entre la Montanha Negra e los puèges de la Puèja qu'es utilizat dempuèi l'Antiquitat par la Via Aquitània, ligam de Narbona a Bordèu. Uèi aquela plana de qualques quilomètres de larg es traversada per la RN113 au nòrd, lo canal de las Doas Mars, la via de camin de fèrre de Tolosa cap a Narbona e l'A61, totes de traçats gaireben parallèls. Lo Mas Santas Puèlas se situa sus l'aigavèrs entre Mediterranèa e Atlantic.

Toponimia

Las fòrmas ancianas son : Alos de Sanctas Puellas cum ipsa ecclesia en 960, Villa de Manso en 1241-1242, Mansus Sanctarum Puellarum en 1317, Ecclesia de Mansa (sic) Sanctarum Puellarum en 1318, Castrum de Manso Sanctarum Puellarum en 1327, Le Mas en 1441, Les Mas Santas Puellas en 1494, Mas Saintes Puelles en 1781, Mas L'Union en l'an III, Le Mas l'Union (periòde revolucionari, Mas-Saintes-Puelles (Diccionari de las Pòstas). La prononciacion occitana es Le Mas e la fòrma oficiala respècta pas l'usatge tradicional e present ambe l'article ^[1], donc prononciacion en grafia fonetica [le'mas].

Mas ven del latin mansus, tèrme medieval, que designa una esplèita rurala ocupada per un sol tenencièr. Le determinant ^[2]ven de las Puèlas, de gojatas que reculhiguèron le còs martirizat de Sant Sarnin.

Istòria

Segon una tradicion anciana, las Puèlas son de gojatas que reculhiguèron le còs martirizat de Sant Sarnin, primièr evesque de Tolosa al sègle VI per li balhar una sepultura crestiana.

Foguèron fòrabandidas de Tolosa par l'autoritat romana, se refugièron en un lòc que i moriguèron e i foguèron rebondudas abans que sas despuèlhas foguèsson desbagatjadas aquí.

A l'Edat Mejana i aviá una importanta preséncia catara al Mas. En 1242, Pèire Rogièr de Mirapeis e sos òmes venguts de Montsegur, s'arrestèron aquí abans d'anar assassinar a Avinhonet les inquisitors del catarisme que i fasián tribunal.

Al sègle XIV, les Agustins fondèron al Mas un convent amb per tòca de tornar evangelizar Lauragués.

Pendent las Guèrras de Religion, lo vilatge es fòrça protestant. Al lòc «La Planca» i aviá una pichona comunautat de protestants que permetèron a Enric de Navarra e Catarina de Medici d'aver une entrevista secrèta.

En 1598, aprèp l'Edicte de Nantas, una banda d'Uganauds continuava d'atacar los mercants. En 1622, Loís XIII de França faguèt destruire lo vilatge.

Entre 1790 e 1794, segon lo site de l'EHESS, Santas Puèlas foguèt incorporat al Mas^[3]. En realitat Le Mas e Santas Puèlas son lo meteis lòc (ambe Santas Puèlas coma determnatiu del Mas) o de lòcs conjunts (véser toponimia).

Administracion

Lista dels cònsols successius
Periòde		Identitat	Etiqueta	Qualitat
mai de 2020	(2026)	Isabelle Siau
març de 2008	2020	Alain Carles	sense	retirat d'agricultor
març de 1971	2008	Georges de Capella
	1971
Totas las donadas non son pas encara conegudas.

Demografia

modificar « persona »
v · d · m

Evolucion demografica
Populacion comunala actuala (2013): 900, totala: 920

1 236

1 346

1 311

-

1 142

-

-

1 060

-

711

682

617

640

720

805

876

889

890
914

2009

2010

895
914

900
920

Fonts

Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

Evolucion de la populacion 1962-2008

En 2018 la populacion èra de 924 abitants e la densitat èra de 33,44 ab/km².

Economia

Viticultura: Corbièras.

Lòcs e monuments

Glèisa de las Santas Puèlas (monument istòric)
Ostal Nicol (monument istòric)

Personalitats ligadas amb la comuna

Véser tanben

Comunas d'Aude

Ligams extèrnes

Le Mas sul site de l'Insee

Nòtas

↑ Abbé Sabarthès, Dictionnaire topographique du département de l'Aude, 1912, p. 230-231, legir en linha https://gallica.bnf.fr/ark:/12148/bpt6k110095d/f322.item.texteImage
↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 439-440
↑ [1]

Portal de Lengadòc

[1] Abbé Sabarthès, Dictionnaire topographique du département de l'Aude, 1912, p. 230-231, legir en linha https://gallica.bnf.fr/ark:/12148/bpt6k110095d/f322.item.texteImage

[2] Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 439-440

[3] [1]

[1]

[2]

[3]