大陸架
大陸架，大陸浸喺海水下嘅部份，水深較淺同平緩。直至大陸坡，會突然急深落去。所以睇起，就好似個架托起咁。大陸架形成，來自板塊活動，海水升降，洋流侵蝕，以及河流沉積。大陸架深邊，亦可以視古時水位低嘅海岸，如冰河時期，大陸架會露出水面，變返陸地，其邊就古岸，古時岸邊露出岩石，海浪沖刷浸蝕成大陸坡，而水位高返時，就會浸喺海水之下。依種以南海、地中海、日本海、北冰洋等好明顯。然而喺海洋板塊同大陸板塊相撞之處，海洋板塊密度高，沉入大陸板塊底下，咁大陸架就會受破壞，甚至完全無大陸架，南美洲大平洋岸，就有依個情況。
大陸架會受侵蝕下沉，然而水面受沖刷浸蝕岩石，會落入大陸架中，而江流亦會大量沙泥入大陸架，所以會有所補充。大陸架水深較淺，日光充足，沉積物豐富，為海洋生物樂園，有漁業之利。大陸架中，古時有機沉積物，古陸時埋下生物，會化成石油、天然氣，亦為現今各國所爭奪之物。
大陸架由英文continental shelf繙過來。shelf亦可譯為架同棚，故此有陸架、棚、陸棚、大陸棚等叫法。
大陸架露出水面時，與大陸其他部份無異，故此一樣會有山谷平原，甚至有沙漠。地面嘅大江，會延長直到嗰陣海岸。再沉返落水底，依啲地貌會一同沉落水下。