Tisová (distrikto Ústí nad Orlicí)

	Tisová
	germane Tissau
	municipo
Flago	Blazono
	Oficiala nomo: Tisová
Ŝtato	Ĉeĥio
Regiono	Regiono Pardubice
Distrikto	Distrikto Ústí nad Orlicí
Administra municipo	Vysoké Mýto
Historia regiono	Bohemio
Montaro	Svitava montetaro
Situo	Tisová
- alteco	292 m s. m.
- koordinatoj	49° 56′ 24″ N 16° 13′ 06″ O / 49.94000 °N, 16.21833 °O (mapo)
Katastro	10,97 km² (1 097 ha) Tisová u Vysokého Mýta
Loĝantaro	630 (2024)
Denseco	57,43 loĝ./km²
Unua skribmencio	1407
Horzono	MET (UTC+1)
- somera tempo	MET (UTC+2)
Poŝtkodo	566 01 (devene 565 52)
NUTS 3	CZ053
NUTS 4	CZ0534
NUTS 5	CZ0534 581062
Katastraj teritorioj	1
Partoj de municipo	2
Bazaj setlejunuoj	3
	Situo enkadre de Ĉeĥio Situo enkadre de Ĉeĥio
	Vikimedia Komunejo: Tisová (Ústí nad Orlicí District)
	Retpaĝo: www.tisova.cz
	Portalo pri Ĉeĥio

Por aliaj signifoj, bv. rigardi la apartigilan paĝon: Tisová

Koordinatoj: 49° 56′ 24″ N 16° 13′ 06″ O / 49.94000 °N, 16.21833 °O (mapo)

Tisová (germane Tissau) estas municipo en Ĉeĥio, regiono Pardubice, distrikto Ústí nad Orlicí, en ebenaĵo ĉe la rivero Loučná, ĉe neĉefa ŝoseo inter Vysoké Mýto kaj České Heřmanice, 5 km sudoriente de Vysoké Mýto. Vivas ĉi tie 630 loĝantoj (2024).

La najbaraj municipoj de la setlejo estas Vračovice-Orlov, Hrušová, Cerekvice nad Loučnou, Horky, Vysoké Mýto, Zálší kaj České Heřmanice.

Partoj de municipo

Tisová
Zaháj

Historio

Prisetlado de tiu ĉi regiono verŝajne komenciĝis jam en neolitiko pro senekstrema klimato kaj multaj bonkvalitaj akvofontoj. Pri loĝado de ĉi tiea teritorio jam fine de la unua jarmilo atestas fortikaĵejoj, kies spuroj estas ĝis nuntempe rimarkindaj, ekzemple fortikaĵeto en Zaháj - Derflík.

La unua mencio pri Tisová datiĝas en la jaro 1407 en akto, per kiu sinjoro Horka el Horka donacas banejon en Litomyšl al paroĥa preĝejo en Choceň kaj unu el atestantoj estas nomata Mikuláš el Tisová.

Tisová jam de la jaro 1260, kiam reĝo Přemysl Otakar la 2-a fondis urbon Vysoké Mýto, apartenis al ĝi. En la jaro 1547 reĝo Ferdinado la 1-a punis la urbon pro neobeemo kaj deprenis de ĝi havaĵon, i.a. la vilaĝon Tisová. En la jaro 1550 akiris la sinjorejon Litomyšl familiaro Pernštejn kaj Tisová poste fariĝis parto de ĝi kaj tiu restis ĝis nuligo de patrimonia sistemo en la jaro 1848.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	629
1880	690
1890	723
1900	634
1910	709
1921	726

Jaro	Loĝantoj
1930	803
1950	524
1961	584
1970	545
1980	539
1991	525

Jaro	Loĝantoj
2001	510
2014	571
2016	568
2017	566
2018	567
2019	560

Jaro	Loĝantoj
2020	571
2021	562
2022	575
2023	602
2024	630

Vidindaĵoj

Kapelo

Malfrubaroka kapelo de Sankta Adalberto estis konstruita en la jaro 1895. Ĝi estas oblonga kun rondigitaj anguloj kaj malpli larĝaj altara kaj enireja spacoj kaj kun poligone fermita malpli alta sakristio en la akso. Sur la tegmento estas sanktusa tureto. La interno estas platplafona, vandoj membrigitaj per pilastroj, super la enireja spaco estas ligna ĥorejo.

La ĉefaltaro de Sankta Adalberto estas novromanika, la flanka altaro de Sankta Maria kaj predikejo estas pseŭdohistoriaj kaj eklektikaj (plurstilaj). Estas ĉi tie statueto de Nemakulita, orgeno el la unua duono de 19-a jarcento.

Statuoj

Sabloŝtona Sankta Johano Nepomuka estas el la jaro 1806,
sabloŝtona kruco antaŭ la kapelo devenas el la jaro 1868.

Popola arĥitekturo

En la vilaĝo estas kelkaj arĥitekture interesaj bienoj, estinta sinjora korto kaj bone prizorgata tombejo.

Bibliografio

Marek Podhorský: Pardubický kraj. Eldonis freytag & berndt, eldonejo en Prago en j. 2004.
Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.